Рэктар Купалаўскага ўніверсітэта, старшыня камісіі па сацыяльнай палітыцы і справах моладзі Гродзенскага абласнога Савета дэпутатаў Ірына Кітурка наведала выхаванцаў дзіцячых садоў №24 і №39 горада Гродна ў рамках дабрачыннай акцыі "Нашы дзеці", якая з'яўляецца адной з самых маштабных у краіне. Універсітэт удзельнічае ў гэтай акцыі штогод, і сёлета валанцёрскія атрады ўсіх факультэтаў пастараліся асабліва.
У сваім віншавальным выступленні рэктар выказала радасць ад магчымасці павіншаваць малых з навагоднімі святамі. Яна падкрэсліла важнасць клопату аб дзецях і іх дабрабыце, а таксама адзначыла ролю дзіцячых садоў у фарміраванні будучага пакалення.
У рамках візіту Ірына Фёдараўна паразмаўляла з маленькімі выхаванцамі, падарыла ім развіваючыя гульні, цацкі, канструктары, а таксама салодкія сувеніры. У знак падзякі за віншаванні і падарункі юнакі і дзяўчаты падрыхтавалі навагодні паказ. Маляняты танчылі, ігралі на музычных інструментах, разам з Дзедам Марозам і Снягуркай вадзілі карагод вакол ёлкі.
Гродзенскі дзяржаўны ўніверсітэт імя Янкі Купалы