Магістрант юрыдычнага факультэта ГрДУ імя Янкі Купалы Вера Мартынава прыняла ўзнагароду на падвядзенні вынікаў работы Маладзёжных паслоў ЦУР III склікання.
Адзначым, што наша краіна, якая прыняла ў 2015 годзе Парадак дня ў галіне ўстойлівага развіцця да 2030 года, уваходзіць у лік лідэраў па рэалізацыі Мэт.
Ва ўрачыстым мерапрыемстве прынялі ўдзел Нацыянальны каардынатар па дасягненні Мэт устойлівага развіцця Намеснік Старшыні Савета Рэспублікі Нацыянальнага сходу Рэспублікі Беларусь Валерый Бельскі, выконваючы абавязкі Пастаяннага каардынатара ААН у Рэспубліцы Беларусь Эрол Ардуч, прадстаўнік ЮНІСЕФ у Рэспубліцы Беларусь Рустам Хайдараў, намеснік Міністра намеснік Міністра прыродных рэсурсаў і аховы навакольнага асяроддзя Рэспублікі Беларусь Віктар Галанаў.
Так, Падзяка Нацыянальнага каардынатара па дасягненні ЦУР у Рэспубліцы Беларусь была ўручана купалаўцу Веры Мартынавай.
Будучы Паслом ЦУР III склікання, Вера Мартынава прымала актыўны ўдзел у рэалізацыі праектаў па ўстойлівым развіцці на нацыянальным і міжнародным узроўні, а таксама прысвячала свае навукова-даследчыя работы унікальнай тэме - ролі мытных органаў Беларусі ў рэалізацыі Павесткі - 2030.
На дадзены момант магістрант актыўна займаецца навукай у напрамку забеспячэння нацыянальнай бяспекі Рэспублікі Беларусь, а таксама дастойна прадстаўляе аўтарскія праекты на патрыятычную тэматыку.
Нагадаем, што раней за значныя поспехі ў навуцы і творчасці Веру віншаваў асабіста Прэзідэнт Рэспублікі Беларусь Аляксандр Лукашэнка, а таксама памочнік Прэзідэнта па Гродзенскай вобласці Юрый Караеў.
Гродзенскі дзяржаўны ўніверсітэт імя Янкі Купалы