3 лютага – сусветны дзень барацьбы з ненарматыўнай лексікай. Напярэдадні гэтай даты кафедра філасофіі педагагічнага факультэта ГрДУ імя Янкі Купала арганізавала шэраг мерапрыемстваў і падрыхтавала выставу.
Выстава адкрыецца сёння, 2 лютага, у 16.00 на педагагічным факультэце па адрасе: Захарава, 32, у фае. Экспазіцыя ўключае студэнцкія малюнкі і плакаты на тэму «Стоп-мат!». На адкрыццё выставы запрашаюцца ўсе ахвочыя!
Адкрыццю экспазіцыі папярэднічаў конкурс студэнцкіх работ на тэму: «Стоп-мат!». Да ўдзелу далучыліся студэнты факультэта мастацтва і дызайну.
Акрамя таго, 31 студзеня адбылося пасяджэнне гарадскога тэарэтыка-метадалагічнага семінара «Трыбуна думкі», дзе з дакладам на тэму: «Культура прамовы сучаснага грамадства: праблемы і перспектывы» выступіла прафесар кафедры філасофіі Сняжана Семярнік, судакладчыкам выступіла дацэнт кафедры філасофіі Аляксандра Дубравіна.
Гродзенскі дзяржаўны ўніверсітэт імя Янкі Купалы