Грамадзянска-патрыятычны праект «Дарогамі Перамогі - Вызваленне Гродзенскай вобласці» прысвечана вызваленню Гродзенскай вобласці ад нямецка-фашысцкіх захопнікаў і праводзіцца ў Гродзенскім дзяржаўным універсітэце імя Янкі Купалы штогод напярэдадні Дня Перамогі. Мэта акцыі - уцягнуць шырокія масы моладзі ў мерапрыемствы, звязаныя са святкаваннем Дня Перамогі, сфарміраваць у моладзі актыўную грамадзянскую пазіцыю і патрыятызм.
Удзельнікі творчых калектываў універсітэта адправіліся з тэатралізаванай пастаноўкай «Нельга забыць…» у рамках рэалізацыі праекта «Дарогамі Перамогі» ў ДУК «Ашмянскі раённы цэнтр культуры», ДУ «Астравецкі раённы цэнтр культуры і народнай творчасці» (і ДУК «Смаргонскі раённы цэнтр культуры». Убачылі тыя страшныя падзеі праз акцёрскую ігру купалаўцаў школьнікі гэтых раёнаў.
Дарэчы, грамадзянска-патрыятычны праект «Дарогамі Перамогі», які рэалізуецца ў ГрДУ імя Янкі Купалы, удастоены гранта Прэзідэнта Рэспублікі Беларусь у сферы маладзёжнай палітыкі.
Сутнасць праекта адпавядае задачы дзяржаўнай праграмы «Адукацыя і маладзёжная палітыка» на 2021-2025 гады, падпраграмы 10 «Маладзёжная палітыка»: стварэнне ўмоў для эфектыўнай самарэалізацыі моладзі, фарміравання ў моладзі праз сістэму героіка-патрыятычнага і духоўна-маральнага выхавання актыўнай грамадзянскай пазіцыі, любові да Радзімы, гонару за яе мінулае і сучаснасць, адказнасці за лёс Беларусі.
Праект прадугледжвае работу па двух напрамках - выступленне творчага калектыву студэнтаў Гродзенскага дзяржаўнага ўніверсітэта імя Янкі Купалы з літаратурна-музычнай пастаноўкай у спалучэнні з гістарычнымі фактамі, прысвечанымі Вялікай Айчыннай вайне, у гарадах, раённых цэнтрах Гродзенскай вобласці ў парадку іх вызвалення ад нямецка-фашысцкіх захопнікаў, а таксама здымка навучэнскай моладдзю ўстаноў адукацыі Гродзенскай вобласці кароткіх відэаролікаў аб памятных месцах гарадоў з інфармацыяй аб ходзе іх вызвалення.
Па выніках рэалізацыі двух напрамкаў плануецца стварэнне тэматычнага відэафільма аб ходзе вызвалення гарадоў, раённых цэнтраў Гродзенскай вобласці, а таксама распрацоўка электроннага фотаальбома і тэматычных інфармацыйных матэрыялаў для іх далейшага выкарыстання пры правядзенні Адзіных дзён інфармавання, правядзенні мерапрыемстваў інфармацыйна-адукацыйнага праекта «ШАГ» - «Школа Актыўнага Грамадзяніна» з мэтай патрыятычнага выхавання моладзі.
Грант Прэзідэнта Рэспублікі Беларусь у сферы маладзёжнай палітыкі стаў пацвярджэннем важнасці і актуальнасці гэтага праекта для грамадства. Яго рэалізацыя садзейнічае фарміраванню патрыятычнай свядомасці і грамадзянскай актыўнасці ў моладзі, а таксама садзейнічае ўмацаванню адзінства нацыі і захаванню гістарычнай памяці аб подзвігу продкаў.
Гродзенскі дзяржаўны ўніверсітэт імя Янкі Купалы