Удзельнікі з Румыніі, Італіі, Кітая і Польшчы будуць вывучаць рускую мову на працягу двух тыдняў у Купалаўскім універсітэце.
Летняя школа рускай мовы Купалаўскага ўніверсітэта ўпершыню праходзіць на базе філалагічнага факультэта. Летняя школа - цудоўная магчымасць сумясціць вывучэнне мовы са знаёмствам з сучаснай Беларуссю і яе традыцыямі.
У гэтым годзе замежныя госці пройдуць навучанне з 22 ліпеня па 9 жніўня. Удзельнікаў чакаюць заняткі па рускай мове, лінгвакраіназнаўстве і гісторыі і культуры Беларусі. Традыцыйна для тых, хто вывучае рускую мову, будуць арганізаваны экскурсіі па Гродне і яго славутасцях, майстар-класы па вырабе беларускага сувеніра і прыгатаванні страў беларускай кухні, дзякуючы чаму ўдзельнікі летняй школы змогуць пазнаёміцца з традыцыямі нашай краіны.
Праграма Летняй школы прызначана для тых, хто пачынае вывучаць рускую мову ці жадае ўдасканаліць свае моўныя веды і навыкі. Акрамя таго, замежных грамадзян, якія вывучаюць рускую мову, чакае знаёмства з беларускім кінематографам. Ініцыятарам і арганізатарам праекту выступае кафедра рускай філалогіі ГрДУ імя Янкі Купалы.
Гродзенскі дзяржаўны ўніверсітэт імя Янкі Купалы