Гродненский государственный университет имени Янки Купалы - У Гродзенскім дзяржаўным універсітэце імя Янкі Купалы праходзяць мерапрыемствы ў рамках "Месяца першакурсніка"

Цыкл святочных і асветніцкіх мерапрыемстваў праходзіць з 29 жніўня па 27 верасня.

У пятніцу, 6 верасня, студэнты факультэта гісторыі, камунікацыі і турызму разам з куратарамі навучальных груп і навучэнцамі Гуманітарнага каледжа ГрДУ імя Янкі Купалы прынялі ўдзел у праглядзе цыкла фільмаў “Аперацыя Баграціён. Акцыя "Памяць-2024".

У рамках "Месяца першакурсніка" студэнты факультэта біялогіі і экалогіі наведалі галоўны корпус універсітэта, дзе ім была арганізавана экскурсія-знаёмства.

Экскурсія пачалася з наведвання галерэі "UNIVERSUM", галерэі прафесараў, галерэі, прысвечанай Янку Купалу, экспазіцыі "Ад гімназіі да ўніверсітэта". Студэнты пазнаёміліся з гісторыяй універсітэта, даведаліся цікавыя факты аб яго станаўленні і развіцці, аб цікавых людзях, выпускніках і работніках універсітэта. Дзеці з цікавасцю слухалі экскурсаводаў, загадчыцу Музея гісторыі развіцця ГрДУ імя Янкі Купалы, адказвалі на іх пытанні.

На педагагічным факультэце Купалаўскага ўніверсітэта адбылася сустрэча студэнтаў 1 курса са старшым інспектарам упраўлення аховы правапарадку і прафілактыкі УУС Сяргеем Крупіцам на тэму: «Экстрэмізм – праблема сучаснасці».

На юрыдычным факультэце прайшла дыялогавая пляцоўка «Экстрэмізм - праблема сучаснасці. Ведаць, каб не спатыкнуцца». У другой частцы мерапрыемства быў арганізаваны прагляд фільма-расследавання АНТ “Дзеці на прыцэле. Завербаваныя ворагам».

У рамках правядзення месяца першакурсніка з курсантамі ваеннага факультэта актыўна праводзіцца выхаваўчая работа на тэму "Экстрэмізм - праблема сучаснасці". Падчас мерапрыемства навучэнцам былі растлумачаны крымінальныя і адміністрацыйныя адказнасці супрацьдзеяння экстрэмізму іншай дэструктыўнай праявай.