Вызначаны тэрмін правядзення конкурсу на прысуджэнне грантаў РГА «Белая Русь» «Вопыт лепшых «Белай Русі» – здабытак грамадства». Запрашаем прыняць удзел!
Конкурс праводзіцца з мэтай ацэнкі і адбору праектаў, накіраваных на павышэнне грамадзянскай актыўнасці, развіццё дзелавой ініцыятывы, уключэнне грамадзян у сацыяльна-значныя мерапрыемствы грамадзянска-патрыятычнай накіраванасці і раскрыццё іх творчага патэнцыялу.
Конкурсныя работы прымаюцца па 4 намінацыях: найлепшы праект у сацыяльнай сферы; лепшы інфармацыйны праект па прасоўванні дзейнасці РГА "Белая Русь"; лепшы праект па арганізацыі патрыятычнага выхавання насельніцтва краіны; лепшы праект, прысвечаны 80-й гадавіне Перамогі савецкага народа ў Вялікай Айчыннай вайне. Арганізатарам Конкурсу з'яўляецца Рэспубліканскі Савет РГА "Белая Русь".
Што датычыцца тэрмінаў і этапаў правядзення конкурсу, то на раённы этап падача заявак ажыццяўляецца да 01.11.2024, адбор работ, якія паступілі, - з 05.11.2024 па 15.11.2024, накіраванне работ, якія прайшлі адбор, у адрас Мінскай гарадской і абласных арганізацый - да 20.11. 2024.
На абласны этап адбор работ будзе ажыццяўляцца з 21.11.2024 па 29.11.2024, вочны этап (абарона праектаў) з 02.12.2024 па 06.12.2024, накіраванне работ пераможцаў у кожнай намінацыі ў адрас Рэспубліканскага Савета неабходна прадставіць не пазней 13.12.2024.
Рэспубліканскі этап уключае ў сябе завочны этап (экспертная ацэнка дасланых матэрыялаў), які пройдзе з 16.12.2024 па 20.12.2024 і вочны этап (публічная абарона праекта) – з 23.12.2024 па 27.12.2024.
Больш падрабязную інфармацыю можна даведацца ў ПАЛАЖЭННІ конкурсу.
Гродзенскі дзяржаўны ўніверсітэт імя Янкі Купалы